فى إعلان فى التليفزيون .. عن منتج زبادى
الاعلان دى لذيذ جدا ... وبيجى تقريبا على كل القنوات المحليه والفضائيه
الاعلان عن طفل صغير اسمه ميمى ... أكيد كلنا عرفنا كده الاعلان ..
تعالوا بقى نراجع الاعلان سوا ..
علشان أكيد .. قليل اللى أخدوا بالهم من حاجه زى كده
....
الطفل بيجرى على باب الشقه .. أبوه بيساله رايح فين يا ميمى
نازل ألعب مع صحابى .. طيب مفيش حضن لبابا حبيبك ..
هنا الطفل فى اللقطه دى بينفخ فى وش أبوه ... ويكمل الاعلان
تخيلوا بقى كان مليون طفل عربى بيتفرجوا على الاعلان ..
تخيلوا كام مليون طفل حب الشخصيه بتاعه الطفل ميمى دى وهايقلده
تخيلوا كام مليون طفل هايقلد الطفل ده وينفخ فى وش أبوه ..
الاعلان عن منتج عربى .. الانتاج عربى مسلم
المخرج عربى مسلم .. الممثلين فى الاعلان مسلمين
القائمين على العمل وع الاعلان أغلبهم مسلمين
كل دول .. نسوا .. آيه ربنا ..ولا تقل لها أفٌ ولا تنهرهما .. صدق الله العظيم .
لإمتى هانعلم ولادنا انهم يعصون ربنا ...
ونقول محتاجين جيل جديد ... جيل مين يا عم