لو كنت بتسوق خش إتعلملك كام قاعده و إدعيلي

القاعدة الأولى:

لو عربيتك كبيرة أو قديمة، أستخدم المبدأ القانوني: اللي خايف على عربيته يوسع!!

ملحوظة: ابعد عن سكة العربيات المخرشمة ، بيسوقوا بنظرية ضربوا الأعور على عينه!!

القاعده الثانيه:

البوز بيز Booze Base: اللي يدخل ببوز عربيته الأول للتقاطع هو صاحب أولوية المرور!

احرص على أن تكون صاحب أول بوز.

ملحوظة: لا تطبق الـ Booze Base مع أي لوري أو أتوبيس، حرصاً على بوزك لا مؤاخذة.

القاعدة الثالثة:

الإشارات تكشف نواياك للأعداء، أياك أن تستخدمها!

القاعدة الرابعة:

لا تترك مسافة للأمان بينك و بين السياة التي أمامك فهذا له عدة مخاطر:

1. عربية ثانية حتملا الفراغ في ثواني و برضوه ما يبقاش فيه مسافة بينك و بين الي قدامك، كل الي كسبته انك اتأخرت لورا شوية.

2. حتدي فرصة للعيال يعملوا غرز قدامك.

3. كل المشاة حيغمضوا عينيهم و يعدوا من الحته دي.

4. الي وراك حيقعد يزمر - لو كان مؤدب - أو تسمع شوية أسامي حيوانات لو كان سواق تاكس - مؤدب - ، أو حيخبطك من ورا لو كان سواق ميكروباص - و دول مفيش حد منهم مؤدب -.

الإشارات مش معمولة علشان تنظم المرور ، معمولة علشان شكل االشارع يبقى متحضر بس!

اعتمد على العساكر ( مع تحملك كامل المسؤلية لو واحد منهم شاورلك تعدي و بلدياته الناحية الثانية فتح السكة للوري ) أو يفضل أن تستعمل البوز بيز ( راجع القاعدة الثانية ).

القاعدة الخامسة:

اذا كنت مش واقف في الصف الأول في الاشارة اعمل حسابك تزمر بشكل متواصل و هستيري أول ما الأشارة تفتح، لأن الناس الي قدام بيبقوا واقفين في الاشارة من زمان و جايز جداً يكونوا ناموا!!

القاعدة السادسة:

معظم الحوادث تحدث في التقاطعات أول الأشارة ما تحمر، كل ما عديت الإشارة الحمراء أسرع كل ما قلت فرصة انك تتخبط!

القاعدة السابعة:

الشارع مكان مقرف، سوق بأسرع ما يمكن حتى تتخلص من هذا الهم بسرعة،

الناس الي ماشيين بالراحة مرضى نفسيين بيستمتعوا بالعذاب ، يستاهلوا الي يجرى لهم.

القاعدة الثامنة:

من حقوقك الدستورية أن تركن أمام باب المحل الذي تريد أن تشتري منه،

اذا سبقك واحد ابن ستين في سبعين و ركن قدام الباب، فمن حقك أن تقفل عليه و تركن صف ثاني أو ثالث، و مش مهم لو الشارع اتقفل، ايه يعني أما الناس تتعطل عشر دقائق علشان تستمتع بحقوقك الدستورية؟ هيا يعني الدنيا طارت ولا كان وراهم الديوان؟

القاعدة التاسعة:

من حقك أيضاً أن تخرج من مكان انتظارك في أي لحظة تشاء، اكسر الدركسيون شمال و اطلع، أي حد ماشي في الشارع لازم يقف لك فوراً، راجع البند السابق.

القاعدة العاشرة:

إحترس من ثلاث أنواع من السائقيين بيسوقوا و كأنهم مش ممكن يموتوا:

1. العيال الروشين الي بيلعبوا Computer Games و فاكريين إن ممكن يكسبوا Life زيادة لو ساقوا أسرع.

2. موتوسيكلات توصيل الطلبات ( Home Delivery ).

3. سواقين الميكروباص.

ملحوظة: إوعى تحاول تثبت لحد منهم إن فكرته غلط. فاهمني!!!.

القاعدة الحادية عشر:

لما تشوف حادثة لازم تهدي و تتفرج - مش مهم تساعد - الحجات دي دمها أخف من الأخبار المملة بتاعة التلفيزيون، و بعدين لما الطريق وراك يقف تحمي المجتمع من حادثة تانية.

القاعدة الثانية عشر:

الكناسين لازم يحللوا اللقمة الي بياكلوها، حاول تنفعهم و ترمي أي حاجة من الشباك.

القاعدة الثالثة عشر:

لما تخلص سيجارة أوعى تحطها في الطفاية، ارميها من الشباك أول ما تشوف واحد بموتوسيكل معدي جنبك ( علشان يحرم يعمل غرز ).

القاعدة الرابعة عشر:

من حقك أن تعبر الشارع في أي وقت و من أي مكان.

القاعدة الخامسة عشر:

اذا كان هناك سيارة قادمة اعمل نفسك مش واخد بالك و عدي براحتك خالص،ما تخافش، هوا حيقف، هو اهبل يدوسك و يودي نفسه في داهية؟

القاعدة السادسة عشر:

اياك أن تنظر نحو السيارات القادمة، أعبر الطريق و ظهرك لها حتى لا يشك أحد قائدي السيارات أنك تراه و يحاول يخوفك علشان تقف انت.

القاعدة السابعة عشر:

حتى لو شفته أوعى تخاف - خصوصاً لو معاك مراتك - تبقى راجل ملو هدومك و تخاف من حته عربية؟

عرض قفاك و سيبه يتفلق.

القاعدة الثامنة عشر:

الرصيف ليس للمشاه، بل لركن السيارات و فرشات الباعة الجائليين و المحلات... الخ،

لذلك يحق للمشاة السير في وسط الشارع، لمزيد من الأمان، راجع القاعدة السابقة.

القاعدة التاسعة عشر:

إذا كان الماشي من فئة النقل الثقيل، فمن أبسط حقوقة إنه يمشي على أقل من مهله و يهتز براحته. واللي مش عاجبة الهز يدور على لوري يخبطة....

ايه ياجماعه معقوله مفيش حد بيسوق هنا في المنتدى ده غيري
عييييييب دنا أصغركم
على العموم إطمنو عليا خااالص في السواقه
أنا مفيش قاعده من القواعد ده مبطبقهاش
و ايييييه بسوق كده بالفطره
أمال ايه؟؟!!
يلا خشو بقى و قولولي إيه رأيكم

[color:3da8=black]الحمد لله انى مش بعرف اسوق
ده انا كنت بخاف من السواقه شويه وكنت ناويه اجمد قلبى واتعلمها بس بعد ما قرأت القواعد كرهت السواقه وكرهت العربيات خالص
ههههههههههههههههه

ده اسمه fibrosis ده كلمه نستخدمها فى كليتنا ( اللى هى طب )

تدل على التأليف فائق الروعه الذى يصل لدرجة الخيال العلمى

الذى ليس له أساس بالعلمى أو الخيالى ........ هههههههه

هو أكتر قاعده بتحسسنى بالألم النقطه الرابعه من القاعده الرابعه

لأنى بتعرضلها دائما وأنا سائق وبيبقى نفسى أفجر السياره اللى ورايا

بجد قواعد مفيده بس مش لقيادة السيارات ...................

فرح القلوب كتب:: [color:c3a4=black]الحمد لله انى مش بعرف اسوق
ده انا كنت بخاف من السواقه شويه وكنت ناويه اجمد قلبى واتعلمها بس بعد ما قرأت القواعد كرهت السواقه وكرهت العربيات خالص
ههههههههههههههههه

معلش معلش

دكتور/ طه عبد النعيم كتب:: ده اسمه fibrosis ده كلمه نستخدمها فى كليتنا ( اللى هى طب )

تدل على التأليف فائق الروعه الذى يصل لدرجة الخيال العلمى

الذى ليس له أساس بالعلمى أو الخيالى ........ هههههههه

هو أكتر قاعده بتحسسنى بالألم النقطه الرابعه من القاعده الرابعه

لأنى بتعرضلها دائما وأنا سائق وبيبقى نفسى أفجر السياره اللى ورايا

بجد قواعد مفيده بس مش لقيادة السيارات ...................

ههههههههههههههههههه
بجد دحكتني مووووووت Very Happy

بسم الله ماشاء الله عليك اختي ايناس ايييييييييييه الرقه دي "دحكتني"
ربنا يزيد ويبارك ههههههههه اسمها "اضحكتني" flower

oaoao كتب:: بسم الله ماشاء الله عليك اختي ايناس ايييييييييييه الرقه دي "دحكتني"
ربنا يزيد ويبارك ههههههههه اسمها "اضحكتني"

هههههههههه
geek

يعني لازم تكسفيني
Shocked

أنا ميح في اللغة العربية
على العموم أحنا داخلين على إمتحانات
هبأه أزاكر كويس بأه العربي بزات
و لا يهمك

ههههههههههه
الرد اكثر شناعه
انا عندي استعداد اديلك قرصات
ربنا يوفقك يا اختي اااااااااااااااااااامين Very Happy

oaoao كتب:: ههههههههههه
الرد اكثر شناعه
انا عندي استعداد اديلك قرصات
ربنا يوفقك يا اختي اااااااااااااااااااامين

قرصات مره واحده
يااااااااااااه للدرجاتي
و شناعه كمان
ههههههههههههههههه
دنا باين عليا مش نافعه خالص في اللغة ده
بس صدقيني هحاول
أصل أنا اللهجة بتاعتي غالبا عليا
يلا ربنا يسهل
ادعولي بس في الإمتحانات

طيب بصي أنا عندي إقتراح لذيذ تعلميني إزاي أتكلم لهجة عربية فصيحة و أنا أعلمك إزاي تسوقي بحرفنه

هههههههههههههههههه

ايه رأيك ؟؟

ممممممممممممممممممم

ماشاء الله على البراءه أختك ( oaoao ) تعاتبك على كلمه ... تكتبى رد كامل ( متحف والله )

خاصة ( أحنا ) الهمزه فوق الألف نفسى أعرف حضرتك كتبتيها ازاى

المهم ان فيه ناس بتعلق على اللغه العربيه وأنا مش راضى أتكلم عن الأخطاء الشنيعه .........

عموما بعد الامتحانات هانفتح موضوع لتدريس أصول اللغه العربيه

المهم ربنا يوفقنا فى الامتحانات

دكتور/ طه عبد النعيم كتب:: ممممممممممممممممممم

ماشاء الله على البراءه أختك ( oaoao ) تعاتبك على كلمه ... تكتبى رد كامل ( متحف والله )

خاصة ( أحنا ) الهمزه فوق الألف نفسى أعرف حضرتك كتبتيها ازاى

المهم ان فيه ناس بتعلق على اللغه العربيه وأنا مش راضى أتكلم عن الأخطاء الشنيعه .........

عموما بعد الامتحانات هانفتح موضوع لتدريس أصول اللغه العربيه

المهم ربنا يوفقنا فى الامتحانات

لا و الله أحنا ده خطأ مطبعي
ثم لو فضلتم تدققو كده عليا مش هتخلصوا صدقوني
كتير حاول معايا لاكم مش في اللغة العربية و لاكن في ألفاظي
عندي بعض الكلمات بنطقها غلط
مش عاهة في اللسان
ولاكن من صغري و أنا بنطقها غلط
فعلقت معايا لحد دلوقتي

الحمد لله الذى عافانا

طيب وحضرتك ساكته كل ده ليه .... ياريت حضرتك تكشفى بسرعه

دكتور/ طه عبد النعيم كتب:: الحمد لله الذى عافانا

طيب وحضرتك ساكته كل ده ليه .... ياريت حضرتك تكشفى بسرعه

أكشف ايه بس المسألة مسألة تعود مش أكتر

خلاص ولايهم حضرتك ......... أختنا Enas اتكلمى زى ماحضرتك عايزه

المهم .... ربنا يباركلكم فى أوقاتكم ويوفقكم بالامتحانات